|
សម្លេងកំប្លែងៗផ្សេងៗ |
 |
 |
|
សុក្រ, 23 មេសា 2010 10:00 |
- សិស្សពូកែ និងអ្នកគ្រូឆ្លាតរបស់វិទ្យុព្រៃស្ដុក
download
- កម្មវិធីសម្ភាសការងាររបស់វិទ្យុព្រៃស្ដុក
download
- ជួបអ្នកឧបត្ថមកម្មវិធីរបស់វិទ្យុព្រៃស្ដុក
download
- កម្មវិធីសិក្សាភាសាបារាំងរបស់វិទ្យុព្រៃស្ដុក
download
- កម្មវិធីសិក្សាភាសាអង់គ្លេសរបស់វិទ្យុព្រៃស្ដុក
download
- ច្បាប់ផឹកស៊ី
download
- បវរកញ្ញាប្រចាំព្រះរាជាណាចក្រកម្ពុជា
download
- អាហារពិសេសៗសម្រាប់ថ្ងៃនេះ
download
- កម្មវិធីដោះស្រាយវិបត្តស្នេហ៍របស់វិទ្យុព្រៃស្ដុក
download
|  |
|
|
|
រឿងកំប្លែង៖ មិនយល់គឺគ្រោះថ្នាក់ |
|
|
|
អង្គារ, 20 មេសា 2010 10:23 |
អ្នកឯកទេសក្រុមហ៊ុនទឹកក្រូចម្នាក់ត្រូវបានបញ្ជូនទៅប្រទេសចិន ដើម្បីឃោសនាអំពីផលិតផលទឹកក្រូចរបស់ក្រុមហ៊ុន។ ប៉ុន្តែដោយមិនចេះភាសាចិន អ្នកឯកទេសនោះប្រើរូបភាព៣ជំនួសឱ្យការសរសេរជាអក្សរ។ រូបភាពទី១នៅខាងឆ្វេងដៃ គូរអំពីបុរសម្នាក់ដើរអូសជើងកណ្ដាលសមុទ្រខ្សាច់ក្ដៅស្ទើរស្លាប់ មើលទៅដូចជាមិនសល់កម្លាំងកំហែងក្នុងខ្លួន និងកំពុងស្រេកទឹកយ៉ាងខ្លាំង។ រូបភាពទី២ គូររូបបុរសនោះផឹកទឹកក្រូចរបស់ក្រុមហ៊ុនខាងលើ។ ចំណែករូបភាពទី៣ នៅខាងស្ដាំបង្អស់ គូររូបបុរសនោះសើចក្អាកក្អាយ សប្បាយចិត្ត និងមានកម្លាំងកំហែងឡើងវិញ។ ន័យរបស់រូបភាពទាំង៣ចង់បង្ហាញថា ទោះជាកំពុងហេវហត់យ៉ាងណាក៏ដោយ ឱ្យតែបានផឹកទឹកក្រូច របស់ក្រុមហ៊ុនខាងលើ នឹងមានកម្លាំងឡើងវិញភ្លាមមួយរំពេច។ ទោះជាយ៉ាងណា មួយឆ្នាំក្រោយ មិនត្រឹមតែមិនអាចបង្កើនការលក់ផលិតផលទឹកក្រូចរបស់ក្រុមហ៊ុនខាងលើប៉ុណ្ណោះទេ គឺលក់លែងដាច់សោះតែម្ដង រហូតដល់អ្នកឯកទេសរូបនោះ ត្រូវក្រុមហ៊ុនបណ្ដេញចេញពីការងារដោយសារតែធ្វើឱ្យក្រុមហ៊ុនខាតបង់ច្រើនពេក។ មានមនុស្សមួយចំនួននឹកឆ្ងល់ ព្រោះបើពិនិត្យរូបភាពឃោសនា សមតែទឹកក្រូចលក់ដាច់ណាស់ ចុះហេតុយ៉ាងម៉េចក្ស័យធន? ឮដូច្នេះអ្នកឯកទេសដែលត្រូវបណ្ដេញពីការងារ និយាយយ៉ាងស្រងូតស្រងាត់ថា៖ មកពីខ្ញុំមិនយល់អ្វីសោះ។ ខ្ញុំមិនត្រឹមតែមិនចេះភាសាចិនប៉ុណ្ណោះទេ ថែមទាំងមិនបានដឹងថា អក្សរចិនអានពីស្ដាំទៅឆ្វេងទៀតផង ហេតុនេះ រូបភាពឃោសនារបស់ខ្ញុំ ក៏គេមើលពីស្ដាំទៅឆ្វេងដែរ គឺគេមើលទៅអ្នកកំពុងសប្បាយមានកម្លាំងកំហែង បន្ទាប់ពីផឹកទឹកក្រូចរបស់ក្រុមហ៊ុនខាងលើ នឹងក្លាយជាអ្នកបាក់កម្លាំងរហូតដល់ដើរអូសជើង ព្រោះហេវហត់ពេកលើកជើងលែងរួច៕ |
|
រឿងកំប្លែង៖ ទាយចំម៉ាច់ |
|
|
|
អាទិត្យ, 11 មេសា 2010 12:09 |
ស្ត្រីវ័យក្មេងខ្ចីធ្វើការក្នុងហាងខារ៉ាអូខេម្នាក់ បានទៅឲ្យគ្រូទាយដ៏ល្បីឈ្មោះទស្សន៍ទាយពីដំណើរជីវិតដ៏គ្រោតគ្រាតរបស់ខ្លួន។ គ្រូទាយ៖ បើតាមជើងលេខនៅពេលនេះក្រុមមនុស្សដែលនៅក្បែរខ្លួនអ្នកបំផុត អាចត្រូវខកបំណង ឬអស់សង្ឃឹមចំពោះខ្លួនអ្នកខ្លាំងណាស់។ ស្ត្រីវ័យក្មេង៖ អូហ៍! ពិតជាចំម៉ាច់តែម្តងលោកគ្រូ ព្រោះថ្ងៃនេះខ្ញុំភ្លេចយកកាបូបលុយមកជាមួយ ឥឡូវនេះគ្មានមួយកាក់មួយសេនក្នុងខ្លួនទេ ហើយសូម្បីតែទ្រនឹបលោកគ្រូក៏គ្មានដែរ។ គ្រូទាយ៖ អុញ!!! (ដកស្រង់ពីកាសែត រស្មីកម្ពុជា ឆ្នាំទី ១៧ លេខ ៤៩៣៦ ថ្ងៃទី ០៣ ខែ កក្កដា ឆ្នាំ ២០០៩) |
|
រឿងកំប្លែង៖ គិតខុស |
|
|
|
ព្រហស្បតិ, 26 វិច្ឆិកា 2009 12:24 |
នាយឆាង បានប្រាប់សម្លាញ់របស់គេនាល្ងាចថ្ងៃមួយ ពីទុក្ខលំបាកដែលរស់នៅជាមួយភរិយា ក្រោយពីរៀបការរួច។
នាយឆាង៖ ប្រពន្ធរបស់ខ្ញុំចូលចិត្តរអ៊ូររទាំណាស់ ម៉្ងៃៗជេរនេះ ជេរនោះ ឥតឈប់ឈរ់មាត់។ អញ្ចឹងហើយ ខ្ញុំក៏សម្រេចចិត្តទៅទិញឆ្កែមួយក្បាលទុកចញ្ចឹមនៅផ្ទះ ដោយសង្ឃឹមថាទុកឲ្យប្រពន្ធជេរឆ្កែជំនួសខ្ញុំវិញ ប៉ុន្តែការគិតនេះបែរជាខុសទាំងស្រុងទៅវិញ។
មិត្តភក្តិ៖ អេហ៍! ហើយចុះវាយ៉ាងម៉េចទៅវិញ?
នាយឆាង៖ អឺនែ៎! មកពីឆ្កែមួយក្បាលនោះវាបានធ្វើឲ្យប្រពន្ធខ្ញុំស្រឡាញ់ជាងខ្ញុំ ហើយបែរមកជេរខ្ញុំចាស់ដៃទ្វេគុណជាងមុនទៅទៀត។
មិត្តភក្តិ៖ !!!៕ (ដកស្រង់ពី កាសែតរស្មីកម្ពុជា លេខ ៤៩៦៤ ឆ្នាំទី ១៧ ថ្ងៃ ពុធ ទី ០៥ ខែ សីហា ឆ្នាំ ២០០៩) |
|
រឿងកំប្លែង៖ ផ្លាស់ប្តូរមុខមាត់សម្បើមណាស់ |
|
|
|
ពុធ, 25 វិច្ឆិកា 2009 09:53 |
អ្នកមេម៉ាយម្នាក់ត្រូវការឲ្យវិចិត្រករគូររូបភាពស្វាមីរបស់ខ្លួនដែលបាត់បង់ជីវិតជាច្រើនឆ្នាំមកហើយ៖
វិចិត្រករ៖ បាទបាន! បងស្រីមានរូបថតរបស់គាត់ទេ?
អ្នកមេម៉ាយ៖ គ្មានទេ ព្រោះតែអញ្ចឹងហើយ ទើបខ្ញុំឲ្យលោកគូររូបប្ដីខ្ញុំឡើង។
វិចិត្រករ៖ បើអញ្ចឹងនោះ បងស្រីអាចប្រាប់លក្ខណៈមុខមាត់ស្វាមីដល់ខ្ញុំបន្តិចបានទេ។
អ្នកមេម៉ាយ៖ ភ្នែករបស់គាត់ខ្មៅ សក់ពណ៌ខ្មៅ មានពុកមាត់ដុះរ៉ុយៗ ហើយចូលចិត្តញញឹមជាប់ជានិច្ច។
វិចិត្រករ៖ អូខេ! អត់មានបញ្ហា។ ក្រោយពីនោះមួយសប្ដាហ៍ វិចិត្រករបានគូររូបរួចរាល់ ហើយណាត់ឲ្យអ្នកមេម៉ាយមកយករូបភាព។ អ្នកមេម៉ាយមកដល់ មើលរូបភាពក៏លាន់មាត់ឡើង៖
អ្នកមេម៉ាយ៖ អេហ៍! ច្រើនឆ្នាំមកនេះស្វាមីខ្ញុំផ្លាស់ប្តូរមុខមាត់ច្រើនណាស់រហូតទាល់តែខ្ញុំមើលមិនស្គាល់។ (ដកស្រង់ពីកាសែត រស្មីកម្ពុជា ឆ្នាំទី ១៧ លេខ ៥០០២ ថ្ងៃទី ២៣ ខែ កញ្ញា ឆ្នាំ ២០០៩) |
|
|
|
|
|
|
ទំព័រ 1 នៃ 5 |
