កំប្លែង

ទំព័រ

ព័ត៌មានវិទ្យា

Download

ចំនួនអ្នកទស្សនា

Today	11
Yesterday	119
This Week	708
This Month	449
All Days	32614

38.107.191.87

លេខទូរស័ព្ទសង្គ្រោះបន្ទាន់ មន្ទីរពេទ្យសាធារណៈនៅភ្នំពេញ
d

១. រថយន្តសាមុយ មន្ទីរពេទ្យកាល់ម៉ែត	= 119
២. រថយន្តសង្គ្រោះ មន្ទីរពេទ្យរុស្ស៊ី	= 023 217 764 = វិទ្យុទាក់ទង (151940)
៣. រថយន្តសង្គ្រោះ មន្ទីរពេទ្យព្រះសង្ឃ	= 016 909 774
៤. លេខប្រចាំការ (Hot Line) គ្រុនផ្ដាសាយ A(H1N1)	= 012 488 981 = 012 836 868

កំប្លែង

រឿងកំប្លែង៖ ហេតុអ្វីមិនខ្លាច?

ពុធ, 25 វិច្ឆិកា 2009 09:39

ថ្ងៃមួយជាងឈើ និងជាងជួសជុលបណ្តាញទឹកបានជជែកគ្នា៖
ជាងឈើ៖ ប៉ារបស់ឯងស្លាប់ដោយសារអ្វី?
ជាងទឹក៖ គាត់ស្លាប់ដោយសារលង់ទឹកណាសម្លាញ់។
ជាងឈើ៖ ហើយចុះឯងមិនខ្លាចទឹកទេឬ បានជាធ្វើជាងជួសជុលបណ្តាញទឹកបែបនេះ?
ជាងទឹក៖ អេហ៍! ហើយចុះប៉ារបស់ឯងគាត់បានបាត់បង់ជីវិតដោយសារអ្វីដែរ?
ជាងឈើ៖ គឺគាត់ដេកខ្យល់គរស្លាប់លើគ្រែ។
ជាងទឹក៖ អឺនែ៎! ចុះអញ្ចឹងហេតុអ្វីឯងហ៊ានដេកនៅលើគ្រែទៀតពេលនេះ។

រឿងកំប្លែង៖ រួចគ្នា

ពុធ, 18 វិច្ឆិកា 2009 13:50

បុរសអ្នករស់នៅទីជនបទម្នាក់បានមកគោះទ្វារផ្ទះសេដ្ឋីក្នុងស្រុកភូមិជាមួយគ្នា ដែលកំណាញ់ម៉ៅស្វិតម្នាក់ឡើង៖
បុរស៖ កាលពីព្រឹកមិញ ឆ្កែរបស់លោកសេដ្ឋីបានរួចចេញក្រៅផ្ទះទៅខាំប្រពន្ធខ្ញុំកំពុងដើរតាមផ្លូវ ឥឡូវនេះលោកសេដ្ឋីត្រូវតែសងថ្លៃព្យាបាលឱ្យប្រពន្ធខ្ញុំជាការចាំបាច់ហើយ។
សេដ្ឋី៖ (ញញឹមយ៉ាងចំអក មុននិយាយឡើង) រឿងប៉ុណ្ណឹងសោះមានរឿងអ្វីធំដុំ! បើអ៊ីចឹង អ៊ីចេះទៅចុះ ឯងទៅយកឆ្កែរបស់ឯងឱ្យមកខាំប្រពន្ធខ្ញុំវិញចុះ ដើម្បីឱ្យបានរួចគ្នា។ ឯងចង់ឱ្យឆ្កែឯងខាំច្រើនចង្កូមក៏បានដែរ កុំឱ្យឯងចាញ់ប្រៀប៕

(ដកស្រង់ពីកាសែត រស្មីកម្ពុជា ឆ្នាំទី ១៧ លេខ ៥០៤៩ ថ្ងៃ ១៧ ខែ វិច្ឆិកា ឆ្នាំ ២០០៩)

រឿងកំប្លែង៖ យកមកប្ដូរទាល់តែត្រូវចាប់ខ្លួន

ពុធ, 18 វិច្ឆិកា 2009 07:54

ប៉ូលិសបានចាប់ជនសង្ស័យលួចទំនិញក្នុងហាងមួយកន្លែង។ ប៉ុន្តែក្រុមប៉ូលិសមានការងឿងឆ្ងល់យ៉ាងខ្លាំង ព្រោះជនសង្ស័យលួចតែអាវក្នុងស្ត្រី។ នាយប៉ូលិសម្នាក់បានសួរទៅកាន់ជនសង្ស័យថា៖
ប៉ូលិស៖ ឯងលួចទំនិញក្នុងហាងនេះប៉ុន្មានលើកហើយ?
ជនសង្ស័យ៖ ៣លើកហើយបាទ!
ប៉ូលិស៖ ហ៊ឹះ! លួចម្ដងៗច្រើនទេ?
ជនសង្ស័យ៖ អត់ទេបាទ! ត្រឹមតែអាវក្នុងស្ត្រីមួយប៉ុណ្ណោះ។
ប៉ូលិស៖ អេហ៏! ឯងលួចអាវក្នុងស្ត្រីធ្វើអ្វីរបស់អ៊ីចឹង! តើឯងលួចយកទៅពាក់ខ្លួនឯង ឬយ៉ាងដូចម្ដេច បានជាលួចអាវក្នុងស្ត្រីដល់ទៅ ៣ លើក?
ជនសង្ស័យ៖ ខ្ញុំលួចទៅឱ្យប្រពន្ធពាក់មិនត្រូវ ទើបនាំមកដូរត្រឡប់ទៅមកៗ៣លើកនេះ ទាល់តែប៉ូលិសចាប់បានតែម្ដងទាន!។

(ដកស្រង់ពីកាសែត រស្មីកម្ពុជា ឆ្នាំទី ១៧ លេខ ៥០៤០ ថ្ងៃ សុក្រ ទី ០៦ ខែ វិច្ឆិកា ឆ្នាំ ២០០៩)

រឿងកំប្លែង៖ កម្មរបស់ត្រី

សុក្រ, 06 វិច្ឆិកា 2009 09:46

តាប្រុញ លួចចូលទៅស្ទូចត្រីនៅស្រះទឹកក្នុងវត្ត បានមួយសម្ល។ ក្នុងពេលដើរត្រឡប់ចេញពីវត្ត ក៏ជួបចៅអធិការវត្តល្មមតែម្ដង។ តាប្រុញភ័យស្លន់ស្លោ រកនិយាយអ្វីមិនត្រូវ ឃើញដូច្នេះចៅអធិការក៏ស្ដីបន្ទោសឱ្យថា៖

ចៅអធិការ៖ ចាប់ត្រីក្នុងវត្តដឹងទេវាបាបកម្មណាញោមប្រុញ។
តាប្រុញ៖ កូណា! ពិតមែនហើយតេជគុណ តែថាមកបន្ទោសកូណាម្នាក់ឯងក៏មិនត្រូវដែរ។
ចៅអធិការ៖ ហេតុអ្វីនិយាយបែបនេះញោមប្រុញ?
តាប្រុញ៖ គឺនែ៎! មកពីកម្មរបស់ត្រីទាំងនោះផង ដែលវាលោភលន់មកស៊ីជន្លេនរបស់កូណា។
ចៅអធិការ៖ អុញ!

(ដកស្រង់ពីកាសែត រស្មីកម្ពុជា ឆ្នាំទី ១៧ លេខ ៥០៣១ ថ្ងៃទី ២៧ ខែ តុលា ឆ្នាំ ២០០៩)

រឿងកំប្លែង៖ ផ្ញើថើប ១០០ ខ្សឺត

សុក្រ, 23 តុលា 2009 17:31

ជូនចំពោះប្រពន្ធសម្លាញ់ចិត្តបង!
ខែនេះបងមិនអាចផ្ញើប្រាក់ខែឲ្យអូនដូចរាល់ខែបានទៀតទេ តែបងសូមផ្ញើជំនួសនូវស្នាមថើបពីចម្ងាយ ចំនួន ១០០ ខ្សឺតវិញ។

ពីប្តីរបស់អូន
ឃុនពីម៉ូច

១ ខែក្រោយមក ប្រពន្ធសរសេរតទៅវិញថា៖

ជូនចំពោះប្តីសម្លាញ់ចិត្តអូន!
អូនសូមអរគុណចំពោះស្នាមថើបទាំង ១០០ ខ្សឺតដែលបងបានផ្ញើមកអូន។ អូនសូមផ្ញើជូនបងវិញនូវព័ត៌មាននៃការចំណាយកន្លងមកដូចខាងក្រោម៖
១. អ្នកប្រមូលសម្រាមគាត់ព្រមថើបអូន ២ ខ្សឺត ជំនួសថ្លៃសំរាម ១ ខែ។
២. លោកខាងទូរទស្សន៍ខ្សែកាបព្រមថើប ៧ ខ្សឺត ដោយអត់យកថ្លៃខ្សែកាប។
៣. ពូម្ចាស់ផ្ទះជួល សុខចិត្តថើបមួយថ្ងៃ ២ ទៅ ៣ ដង ជំនួសថ្លៃជួលផ្ទះ ១ខែពេញ។
៤. បងខាងអគ្គិសនី ថើបតែមួយមុខ គាត់មិនព្រមទេ គាត់សុំថែមអីៗទៀត ខ្ញុំក៏បានជូនគាត់តាមសំណូមពរ។
៥. ថ្លៃចំណាយរាយរង សរុបទៅ ៤០ ខ្សឺតទៀត។

សូមបងកុំបារម្ភពីអូនអី អូននៅសល់ ៣៥ ខ្សឺតទៀតចាយមិនទាន់អស់។ អូនអាចទុកវាប្រើរហូតដល់ដាច់ខែហ្នឹងទៀតបានល្មមបរិបូណ៍។

សូមបងជួយឲ្យដំបូន្មានអូនផងថាអូនត្រូវបន្តធ្វើដូចអញ្ចឹងតទៅទៀត ឬយ៉ាងណា។

ពីប្រពន្ធបង
សុភា

រៀបរៀងដោយ៖ មួង ណារ៉េត

អត្ថបទផ្សេងៗ...

« ចាប់ផ្តើម ទៅក្រោយ12345បន្ទាប់ទៀត ចប់ »

ទំព័រ 2 នៃ 5