ទំព័រ

ព័ត៌មានវិទ្យា

Download

ចំនួនអ្នកទស្សនា

Today	90
Yesterday	130
This Week	593
This Month	1167
All Days	33332

38.107.191.86

លេខទូរស័ព្ទសង្គ្រោះបន្ទាន់ មន្ទីរពេទ្យសាធារណៈនៅភ្នំពេញ
d

១. រថយន្តសាមុយ មន្ទីរពេទ្យកាល់ម៉ែត	= 119
២. រថយន្តសង្គ្រោះ មន្ទីរពេទ្យរុស្ស៊ី	= 023 217 764 = វិទ្យុទាក់ទង (151940)
៣. រថយន្តសង្គ្រោះ មន្ទីរពេទ្យព្រះសង្ឃ	= 016 909 774
៤. លេខប្រចាំការ (Hot Line) គ្រុនផ្ដាសាយ A(H1N1)	= 012 488 981 = 012 836 868

ប្រភេទជីពចរ

អង្គារ, 18 សីហា 2009 22:17

ជីពចរក្នុងរូបកាយមនុស្សយើង មាននៅច្រើនកន្លែង តែកន្លែងដែលមានលក្ខណៈងាយស្រួលក្នុងការចាប់ ស្ទង់គឺនៅត្រង់កដៃ។
ការពិនិត្យជីពចរដែលលោតដោយសុខភាពធម្មតាមានដូចតទៅ៖

អាយុ ១ ថ្ងៃ ដល់ ១ ឆ្នាំ ជីពចរលោតពី ១២០ ទៅ ១៤០ ដងក្នុង ១ វិនាទី
អាយុ ១ ឆ្នាំ ដល់ ៣ ឆ្នាំ ជីពចរលោតពី ១០០ ទៅ ១២០ ដងក្នុង ១ វិនាទី
អាយុ ៣ ឆ្នាំ ដល់ ៦ ឆ្នាំ ជីពចរលោតពី ៩០ ទៅ ១០០ ដងក្នុង ១ វិនាទី
អាយុ ៦ ឆ្នាំ ដល់ ១៤ ឆ្នាំ ជីពចរលោតពី ៨៥ ទៅ ៩០ ដងក្នុង ១ វិនាទី
អាយុ ១៥ ឆ្នាំ ដល់ ៦៥ ឆ្នាំ ជីពចរលោតពី ៧៥ ទៅ ៨៥ ដងក្នុង ១ វិនាទី
អាយុ ៦៥ ឆ្នាំ ដល់ ១០០ ឆ្នាំ ជីពចរលោតពី ៧០ ទៅ ៨០ ដងក្នុង ១ វិនាទី

ដកស្រង់ពីសៀវភៅ មិត្តគ្រូពេទ្យ របស់លោក ទីវ ឆេង ហ៊ី

ហេតុអ្វីយើងសម្លឹងមើលមិនឃើញក្លិន

ច័ន្ទ, 19 តុលា 2009 15:30

យើងសម្លឹងមើលមិនឃើញក្លិន ព្រោះក្លិនគឺជាសារជាតិទំហំតូចៗបំផុតដែលមិនអាចសម្លឹងមើលឃើញដោយភ្នែកទទេបាន។

ក្លិនអណ្ដែតនៅក្នុងខ្យល់អាកាស ហើយបានធ្វើចលនាអណ្ដែតរសាត់មកប៉ះត្រូវច្រមុះរបស់យើង។ ក្លិនអាចធ្វើចលនាបានឆ្ងាយពាសពេញតាមជាមួយខ្យល់អាកាស។

ដោយសារខ្យល់អាកាសក្ដៅស្រាលជាងខ្យល់អាកាសត្រជាក់ ដូច្នេះធ្វើឱ្យអាកាសធាតុក្ដៅធ្វើចលនាបានល្អជាង ដូច្នេះទើបវានាំក្លិនសាយភាយបានច្រើនជាង។

ជាទូទៅ ក្នុងថ្ងៃដែលមានខ្យល់អាកាសក្ដៅ ទើបក្លិនអាចសាយភាយបានល្អ និងទៅឆ្ងាយជាងថ្ងៃដែលមានអាកាសធាតុត្រជាក់។
នៅពេលក្លិនអណ្ដែតរសាត់មកប៉ះចំច្រមុះ វាតែងបញ្ជូនទិន្នន័យទៅត្រង់ខួរក្បាល ធ្វើឱ្យយើងដឹងថាមានក្លិន និងដឹងថាជាក្លិនក្រអូប ឬក្លិនស្អុយ៕

(ដកស្រង់ពីកាសែត រស្មីកម្ពុជា ឆ្នាំទី ១៧ លេខ ៤៩៤១ ថ្ងៃទី ០៩ ខែ កក្កដា ឆ្នាំ ២០០៩)

ពិធីចម្រើនព្រះបរិត្ត

អង្គារ, 15 កញ្ញា 2009 10:11

កិច្ចចម្រើនព្រះបរិត្តដែលអ្នកផងហៅថា “សូត្រមន្ត” នោះជាកិច្ចមួយដែលពុទ្ធសាសនិកជនតែងធ្វើតាមពេលដែលខ្លួនត្រូវការ ដោយជឿថា កិច្ចនេះសម្រាប់រំដោះគ្រោះថ្នាក់ ឧបទ្រពចង្រៃ និងដើម្បីចម្រើនសិរីសួស្ដីជ័យមង្គល។ ជំនឿនេះជាជំនឿចាស់យូរអង្វែងណាស់មកហើយរបស់ពុទ្ធបរិស័ទ ដោយមានគោលចារឹកគ្រប់គ្រាន់តាមគម្ពីរព្រះពុទ្ធសាសនា ដែលមានដំណាលក្នុងធម្មបទកថាភាគទី ៤ ត្រង់រឿងអាយុវឌ្ឍនកុមារ និងក្នុងធម្មបទកថាភាគទី ៧ ត្រង់រឿងអត្តនោបុព្វកម្ម។

ពិធីបុណ្យទុកដាក់សាកសព

ច័ន្ទ, 19 តុលា 2009 14:55

ការធ្វើពិធីបុណ្យទុកដាក់សាកសពមានភាពខុសប្លែកពីគ្នាទៅតាមប្រទេសនីមួយៗ ដោយអាស្រ័យតាមសាសនា បរិស្ថានក្នុងជំនឿរៀងៗខ្លួន។

ក្នុងប្រទេសចិន និងក្រុមមនុស្សលោកខាងលិច គេនិយមយកសាកសពមនុស្សដែលបាត់បង់ជីវិត ទៅកប់ដី ឬហៅថា បញ្ចុះសាកសព។ ប៉ុន្តែក្នុងប្រទេសខ្លះ គេបានទុកដាក់សាកសពនៅលើទួលថ្ម ឬលើដើមឈើ ហើយទុកចោលឲ្យសាកសពស្ងួតទៅខ្លួនឯង ហៅថាការកប់ខ្យល់។ ក្នុងប្រទេសឥណ្ឌា គេនឹងនាំយកសាកសពទៅបណ្តែតក្នុងទឹកទន្លេ ហៅថាការកប់ក្នុងទឹក។

សម្រាប់នៅក្នុងប្រទេសកម្ពុជា ដែលមានអាកាសធាតុក្តៅ សាកសពងាយស្អុយរលួយ គេនិយមដុតសាកសព ឬហៅថាបូជា៕

(ដកស្រង់ពី កាសែត រស្មីកម្ពុជា ឆ្នាំទី ១៧ លេខ ៤៨៦២ ថ្ងៃ អាទិត្យ-ចន្ទ ទី ០២-០៣ ខែ សីហា ឆ្នាំ ២០០៩)

មូលហេតុនៃអាការៈឈឺចាប់ពេលធ្លាក់រដូវខែ

ពុធ, 07 តុលា 2009 13:29

បើសិនមិនមានការចាប់បដិសន្ធិទារក ស្បូនតែងកៀបដើម្បីបញ្ចេញឈាមចេញមកក្រៅ។ ពេលខ្លះការកៀបនេះអាចធ្ងន់ធ្ងរបន្តិចរហូតធ្វើឲ្យសាច់ដុំរបស់ស្បូនកើតការរមួល បង្កឲ្យឈឺចាប់ឡើង។ បើក្នុងករណីស្បូន អូវែ (Ovary) ឬបំពង់អូវែ កើតអការៈខុសពីប្រក្រតី ប្រព័ន្ធរត់វិលវល់របស់ឈាមមានបញ្ហា ឬមានការតានតឹងអារម្មណ៍ខ្លាំង ស្ត្រីក៏អាចអការៈឈឺចុកចាប់នៃការធ្លាក់រដូវខែមកដូចគ្នា៕

(ដកស្រង់ពីកាសែត រស្មីកម្ពុជា ឆ្នាំទី ១៧ លេខ ៤៩៣៦ ថ្ងៃទី ០៣ ខែ កក្កដា ឆ្នាំ ២០០៩)

អត្ថបទផ្សេងៗ...

« ចាប់ផ្តើម ទៅក្រោយ1112131415161718បន្ទាប់ទៀត ចប់ »

ទំព័រ 17 នៃ 18