កិច្ច​ចម្រើនព្រះបរិត្ត​ដែល​អ្នកផង​ហៅថា “សូត្រមន្ត” នោះ​ជាកិច្ច​មួយ​ដែល​ពុទ្ធសាសនិកជន​តែង​ធ្វើតាម​ពេល​ដែល​ខ្លួន​ត្រូវការ ដោយ​ជឿថា កិច្ច​នេះ​សម្រាប់​រំដោះ​គ្រោះថ្នាក់ ឧបទ្រព​ចង្រៃ និង​ដើម្បី​ចម្រើន​សិរីសួស្ដី​ជ័យមង្គល។ ជំនឿនេះ​ជា​ជំនឿ​ចាស់យូរអង្វែង​ណាស់​មកហើយរបស់​ពុទ្ធបរិស័ទ ដោយមាន​គោល​ចារឹក​គ្រប់គ្រាន់​តាម​គម្ពីរ​ព្រះពុទ្ធសាសនា ដែលមាន​ដំណាល​ក្នុង​ធម្មបទកថា​ភាគទី ៤ ត្រង់​រឿងអាយុវឌ្ឍនកុមារ និងក្នុង​ធម្មបទកថា​ភាគទី ៧ ត្រង់​រឿងអត្តនោបុព្វកម្ម។